روشِ تحلیلِ سیاسی

«اہلِ مطبوعات اور پرنٹ میڈیا سے جو توقّع کی جاتی ہے، افسوس کے ساتھ اتنی انقلاب سے وابستگی نہیں ہے، افسوس کے ساتھ بعض تحریروں میں ان کے رویّے وہی ہوتے ہیں جو انقلاب کے دشمن، ایرانی عوام کے دشمن اور دنیا میں یا بطورِ مثال امریکہ میں موجود استکباری عناصر کے رویّے ہوتے ہیں! یہ بھی قابلِ افسوس ہے۔»

حضرت شہید آیت اللّٰہ العظمیٰ امام سیّد علی حسینی خامنہ ای · دشمن کی چالوں کو سمجھنا · صفحہ 45

«تمام بنیادی موقف، بخوبی بیان ہوئے ہیں۔ وہ تمام باتیں جو بیان ہونی چاہیے تھیں، بیان ہوئی ہیں؛ میں نے پوری توجّہ سے سنا ہے۔ امریکہ سے مذاکرات کے بارے میں جو کچھ کہنا لازمی تھا، کہا گیا ہے؛ امریکہ سے تعلّقات کے بارے میں جو کہنا لازمی تھا، کہا گیا ہے؛ جو کچھ اسرائیل کے بارے میں، فلسطینی مجاہدین کے بارے میں اور بعض اندرونی مسائل کے بارے میں کہنا لازمی تھا، کہا گیا ہے اور بہت اچھا تھا۔ میں نے ان کے لیے بھی، وزیر خارجہ کے لیے بھی اور بعض دیگر عہدے داروں کے لیے بھی جنہوں نے ان مسائل پر اچھا موقف اپنایا ہے، دعا کی۔ اگرچہ ممکن ہے بعض چیزوں کا تعلّق سلیقے اور انداز سے ہو؛ اس سے ہمیں سروکار نہیں۔ جو کچھ بنیادی اور اہم تھا، وہ تعلّقات، مذاکرات اور غاصب صیہونی ریاست کے حوالے سے تھا، جسے بہت اچھے سے بیان کیا گیا اور عمدہ مطالب تھے۔»

حضرت شہید آیت اللّٰہ العظمیٰ امام سیّد علی حسینی خامنہ ای · معیار پر توجّہ رکھنا · صفحہ 46

«میں سب سے پہلے آپ برادران و خواہران کے لیے بیان کرنا چاہتا ہوں کہ دنیا میں ہمارے دشمنوں جن میں سرفہرست امریکہ ہے، کے اس ہنگامہ ساز پروپگنڈے کے پس پردہ کیا عزائم ہیں۔ یہ جو مسلسل کہتے ہیں کہ ایران، امریکہ کے ساتھ مذاکرات چاہتا ہے؛ ایران، امریکہ کے ساتھ آہستہ آہستہ تعلّقات قائم کرنا چاہتا ہے، ان باتوں سے ان کا مقصد کیا ہے؟ وہ کیا چاہتے ہیں؟ ہمارے مخالفین کیا حاصل کرنا چاہتے ہیں؟ جو چیز مسلّم ہے، جمہوریٔ اسلامی اور ایرانی ملّت کی بھلائی تو نہیں چاہتے؛ یہ تو واضح ہے۔ اب تک انقلاب کو گزرے ہوئے ان انیس 19 برسوں کے دوران، کیا امریکی حکومت، کیا امریکی مطبوعات، کیا امریکی میڈیا، ٹیلیویژن اور ریڈیو، ایرانی عوام کو جس حد تک نقصان پہنچا سکتے تھے، نقصان پہنچایا ہے، پیچھے سے خنجر گھونپا ہے، توہین کی ہے، خیانت کی ہے اور جھوٹ گھڑا ہے۔ ہماری آٹھ سالہ جنگ میں، معاشی اور اقتصادی مسائل میں، کسی ایک موقعے پر بھی انھوں نے ہمارے مفاد میں کام نہیں کیا؛ اس مرتبہ بھی ایسا ہی ہے۔»

حضرت شہید آیت اللّٰہ العظمیٰ امام سیّد علی حسینی خامنہ ای · مسائل کی سطحی نگاہی سے پرہیز کرنا · صفحہ 47

«یہ بات جو میں عرض کر رہا ہوں، یہ وہ بات ہے جسے امریکہ کے سیاسی ماہرین، کہنے سے ہچکچاتے نہیں ہیں۔ امریکی جریدوں میں اسی مضمون کے ساتھ سیاسی مقالے چھپتے ہیں۔ ابھی ایک مہینہ پہلے میں نے دیکھا تھا کہ ایک امریکی نشریے میں وہاں کے ایک مشہور سیاسی رائٹر نے دنیا کو خطاب کرکے کہا کہ "اس میں کیا ہرج ہے کہ ایک عالمی واحد سلطنت کے اوپر امریکہ، حاکم ہو؟!"»

حضرت شہید آیت اللّٰہ العظمیٰ امام سیّد علی حسینی خامنہ ای · دشمن کی چالوں کو سمجھنا · صفحہ 49

«جمہوریٔ اسلامی اور ایرانی عوام کا اقدام، دنیا کے ہر کونے میں اسلامی احساسات کے ابھرنے کا باعث بنا ہے؛ ایشیا میں، افریقہ میں یہاں تک کہ یورپ میں بھی؛ اسلام کے نام پر مسلمان (جمع ہوں اور) اپنے اسلامی احساسات کی بنیاد پر کسی انداز سے جدّوجہد کو شروع کریں۔»

حضرت شہید آیت اللّٰہ العظمیٰ امام سیّد علی حسینی خامنہ ای · مجموعی نگاہ رکھنا · صفحہ 50

«موجودہ صورتحال (یعنی امریکہ سے ہمارے تعلّقات نا ہونا) سب سے پہلے تو یہ بیان کرتی ہے کہ یہ صورتحال، امریکی استکبار کی ماہیت اور رویے کا نتیجہ ہے؛ در حقیقت، ایرانی عوام کی مظلومیت کا نتیجہ ہے۔ دوسری بات یہ کہ امریکہ سے مذاکرات میں ایرانی عوام کا کوئی فائدہ نہیں ہے۔ تیسری بات یہ کہ امریکہ سے مذاکرات اور تعلّقات، ایرانی عوام کے لیے نقصاندہ ہے۔»

حضرت شہید آیت اللّٰہ العظمیٰ امام سیّد علی حسینی خامنہ ای · مجموعی نگاہ رکھنا · صفحہ 54

«البتہ پہلا عنوان یعنی تعلّقات کا ٹوٹنا، امریکی رویّوں کی وجہ سے ہے۔ میرے عزیزو! امریکہ (ایرانی ہجری شمسی سال کے مطابق) 1320 اور اس کے بعد (تقریبا 1321 اور 1322) سے ہمارے ملک میں گھسا ہے؛ تدریجی طور سے آکر ہمارے اندر اثر و رسوخ پیدا کیا اور آہستہ آہستہ برطانیہ کی جگہ لے لی۔ امریکہ نے ان لگ بھگ ستائیس اٹھائیس برسوں میں مضبوط قبضے کے دوران، وہ تمام توہین، ظلم اور برائی جو ایک سامراجی حکومت کسی مظلوم ملّت کے ساتھ کرسکتی تھی، انھوں نے کی؛ طبیعی وسائل کو غارت کیا، پہلوی کی استبدادی رجیم کو مضبوط کیا، ہمارے عہدے داروں کو ذلیل کیا، لوگوں کو ذلیل کیا، کیپیٹلائزیشن کا بل لائے، عوامی حکومت کو سرنگوں کیا اور بہت سے دیگر مظالم کہ اگر حقیقت میں کوئی انقلاب سے قبل کے ان ستائیس اٹھائیس برسوں میں امریکی جنایتوں کو تحریر کرے تو ایک ضخیم کتاب بن جائے گی۔»

حضرت شہید آیت اللّٰہ العظمیٰ امام سیّد علی حسینی خامنہ ای · دینی اور تاریخی معلومات حاصل کرنا · صفحہ 55